ВМРО-ДПМНЕ ќе го обжали пред Управен суд единствениот прифатен приговор од ДИК

Добивај вести на Viber

По три дена на активни протести и вршење притисок врз ДИК со одбиени 13 приговори на опозицијата и само еден прифатен за гласачко место во Гостивар, ВМРО-ДПМНЕ нема да се откаже од својата намера да нема прегласување и затоа оваа одлука ќе ја обжали пред Управниот суд.

- Доколку Управниот суд подлегне на влијанијата од страна и ги незаконските одлуки на ДИК и со тоа се одзеде победата на ВМРО-ДПМНЕ и се фалсификува слободно изразената волја на граѓаните на Македонија, ВМРО-ДПМНЕ објавува дека нема да учествува во прегласувањето и нема да ги признае резултатите од тоа прегласување, изјави денеска Груевски.

Станува збор за приговорот на БЕСА за гласачката Фатиме Сулејмани при што со графолошко вештачење беше утврдено дека таа не се потпишала на избирачкиот список со сомнежи дека некој друг гласал наместо неа. Сите останати приговори на СДСМ и БЕСА беа отфрлени.

Инаку, со оглед на тесната разлика во бројот на гласови, со прегласување во гласачкото место  0396/1 во Гостивар може да дојде до промена во бројот на мандати во шестата изборна единица во корист на СДСМ.

Според ВМРО-ДПМНЕ, ДИК не смеала да ангажира графолог и како што рекоа, оваа одлука била скандалозна.