ВМРО-ДПМНЕ кон СЈО се однесува како кон партија а, не институција

Добивај вести на Viber

ВМРО-ДПМНЕ речиси секојдневно излегува со прес соопштенија и реакции во кои ги повторува веќе добро познатите флоскули СЈП е продолжена рака на СДСМ, Заев и Сорос. работи против интересите на македонскиот народ и држава и е насочено само против нивната партија. 

„Катица Јанева го даде крунскиот доказ дека платеничката револуција за наводна нејзина поддршка, била всушност платеничка револуција во режија на Сорос/СДСМ само за да се спасат од кривичен прогон Заев, Верушевски и останатите членови на нивното злосторничко здружение. СЈО пред целата јавност уште еднаш докажа дека е најобична маша на СДСМ“, велат во најновото соопштение од ВМРО-ДПМНЕ.

На овие секојдневни провокации, навреди и обвинување СЈО ретко реагира бидејќи не е политичка партија со десетина портпароли кои ќе водат сопствена политичка или економска програма со цел да ја придобијат довербата на јавноста.

На СЈО му преостанува самода го издржи целиот партиски притисок без оглед од која страна доаѓа и своите активности да ги презентира пред судот, а дали навистина ќе добие правда останува да видиме.