ВМРО ДПМНЕ крие дека и дале на ДУИ писмени гаранции?
Објавено во: Македонија 15 Февруари, 2017 17:17
Рафиз Алити ги поби тврдењата на ВМРО ДПМНЕ дека не доставиле писмени гаранции до ДУИ.
Овој функционер на ДУИ во изјава за Телма посочува дека партијата на Али Ахмети добила писмен документ од партијата на Никола Груевски за време на преговорите и истиот бил прочитан на Централното претседателство.
Според Алити ВМРО ДПМНЕ се согласиле и ги прифатиле сите барања на ДУИ освен продолжувањето на мандатот на СЈО што било и главна причина за непостигнување на договор.
Овие денешни тврдења се спротивни на тврдењата на ВМРО ДПМНЕ и Никола Груевски кои негираа дека СЈО било причина за пропаднатите преговори. Од ВМРО ДПМНЕ неколку пати соопштуваа дека двојазичноста била проблем за нив.
„Во повеќе наврати потенциравме дека СЈО воопшто не беше проблем во разговорите со ДУИ за формирање на Влада. Изминатиов период и преку интервјуа, изјави и соопштенија посочивме дека со ДУИ на почетокот се констатираа различни позиции во однос на СЈО кое не само што не ги оправда очекувањата туку се покажа како целосно непрофесионален, некредибилен и политички наместо правен орган. Над 95 отсто од времето за разговори беше посветено на дебата околу барањето на ДУИ за воведување на двојазичност, каде беа и главните разлики“, тврдат од кабинетот на Груевски.
И самиот Груевски во последното интервју за ТВ Нова потенцира дека клучната работа за која не се договориле со ДУИ била поврзана со концепцијата околу измените на Законот за јазици.
„Имаше и други работи што не ги усогласивме до крај, вклучувајќи ги и кадровските прашања. На крајот снема малку и време бидејќи разговорите почнаа доцна. Останаа неразјаснети некои работи и на крајот видовме како сето тоа заврши кај нив“, изјави претседателот на ВМРО-ДПМНЕ, Никола Груевски.
Можеби ќе ве интересира
ПОВЕЌЕТО ОД ОСУДЕНИТЕ ЗА 27 АПРИЛ, ДОБИЛЕ УСЛОВЕН ОТПУСТ: Издржале повеќе од две третини од казните
Европското знаење го применува дома: Милијана Богданоска праќа големи пораки преку еко начинот на живот
ФИЛИПЧЕ МУ ВОЗВРАЌА НА ШИЛЕГОВ? ВМРО-ДПМНЕ најдоа еден од нас послаб, ги искористија неговите приватни проблеми
УШТЕ ЕДНА ПРИЈАВА ЗА ПОРАНЕШНИОТ ГРАДОНАЧАЛНИК НА СТРУМИЦА - МВР го гони за несовесно работење и злоупотреба на службата
МВР: Вработени од тетовското социјално одобрувале надомест со фалсификувано конзилијарно мислење
СДСМ: Неуспешен обид да се прикаже уривање одвнатре, очигледно темата со мигрантите е многу поголема
УАПСЕН БУЈАР ДАРЛИШТА, ЕКС ДИРЕКТОР НА УПРАВАТА ЗА ВОДЕЊЕ НА МАТИЧНИ КНИГИ: Тошковски со детали за апсењето
Обвинение за ексдиректорот на „Комунална хигиена“ Рустеми за ѓубрето во Скопје
Обвинение за упадот во „Инфомкас“, напаѓачот бил пресметлив
