ВМРО-ДПМНЕ: Мицкоски не учествувал на протести
Објавено во: Македонија 04 Декември, 2018
ВМРО-ДПМНЕ демантираше дека нивниот лидер Христијан Мицкоски учествувал на вчерашен протест на „Македонија блокира“ пред македонското Собрание, откако во дел од порталите се појави фотографија лалп шретседателот на партијата е седнат на гајба во кампот на демонстрантите против уставните промени.
Од ВМРО-ДПМНЕ велат дека станува збор за фотомонтажа, што е и за очекување ако се знае дека оваа опозициска партија досега не учествуваше во ваквите собири против Преспанскиот договор.
„Станува збор за монтажа, Мицкоски воопшто не беше присутен на протестот пред Собранието“, тврдат во ВМРО-ДПМНЕ.