ВМРО-ДПМНЕ: Неправедна пресуда е донесена под политички притисок за Заев
Објавено во: Македонија 21 Мај, 2018
Од ВМРО-ДПМНЕ велат дека неправедна пресуда е донесена под политички притисок на власта е ослободителната пресуда за премиерот Зоран Заев во случајот Поткуп.
Велат дека било јасно дека „судот ќе подлегне на заканите од Зоран Заев дека би можел да си ги реализира најавите за генерален реизбор на судии, во кои тој како реформатор би носел одлука кој нема да биде реизбран“.
„Денешната одлука на судот е потценување на секој граѓанин кој го слушна сведочењето на оштетениот бизнисмен кој под заклетва тврдеше дека Зоран Заев во својство на градоначалник му барал поткуп за секој квадратен метар земјиште и тоа по едно евро за црквата, едно евро за партијата и едно евро за Вице“- реагираат од ВМРО-ДПМНЕ.
Кривичниот суд во Скопје денеска го ослободи Заев од одговорност пресудувајќи дека обвинителството не успеало да го докаже делото.