ВМРО ДПМНЕ: Новите „Т“ истраги на СЈО се намерни за дефокус од тиранската платформа

Добивај вести на Viber

Новите четири истраги кои специјалното јавно обвинителство ги објави денеска а се однсуваат на финансиски криминал, за владеачката гарнитура се само уште еден обид за дефокусирање на јавноста.

„Денешниот настап на буквата „Т“ беше целосно во функција на дефокусирање од Тиранската Платформа која уценетиот Заев ја прифати само за да дојде на власт и да се спаси од одговорност за сторениот криминал“, потенцираат од партијата на екс премиерот.

Од партијата на ВМРО ДПМНЕ велат дека СЈО  е слуга на Заев единствена негова активност е спроведување на нарачан политички прогон врз сите што не мислат исто како раководството на СДСМ.

„СЈО функционира како општинска организација на СДСМ која ги бие политичките битки на Зоран Заев против неговите неистомисленици.

Денеска СЈО продолжи со политички прогон против медиуми и новинари кои не се под контрола на Заев и кои од негова страна беа прогласувани за најголеми политички непријатели, шпиуни, лажговци и јавно беа навредувани. СЈО се обидува да ги заплаши и цензурира медиумите кои не работат како што сака Зоран Заев. СЈО продолжува директно да го гази основното право на слобода на говор како највисок демократски принцип.

СЈО е срам за целиот правосуден систем“, стои во реакцијата на владеачката партија..