ВМРО-ДПМНЕ ОСТРО: „Амбасадата на САД да го објасни ставот за изборите„!
Објавено во: Македонија 01 Февруари, 2017
Владеачката партија ВМРО-ДПМНЕ, на екс премиерот Никола Груевски во остар тон вчера побара од Амбасадата на САД да го објасни ставот со кој се бара Македонија што поскоро да формира нова влада, наместо да оди на нови избори.
Тоа, спрема толкувањето на ВМРО-ДПМНЕ, значи дека Американците поддржуваат влада која би ја формирала опозицијата.
ВМРО-ДПМНЕ очекува Амбасадата на САД да разјасни дали нивниот став значи порака да нема нови избори, соопштуваат од таа партија, која во преговорите со албанската ДУИ, не успеа да обезбеди парламентарно мнозинство и да формира влада.
ВМРО-ДПМНЕ претходно побара објаснување од Европската комисија која смета дека Македонија наместо нови избори, новата влада би требало да ја формира по принципот „најширока можна коалиција“.
Ставот на ВМРО ДПМНЕ и лидерот Груевски е дека новите избори се единствена опција за излез на Македонија од политичката криза и избегнување на судири и поделби.
Од друга страна, лидерот на СДСМ , одржа состаноци со амбасадорите на Германија, Шведска и Полска, на кои им посочи дека Македонија има потреба да тргне напред и ги запознал со преговорите кои ги води со албанските партии за формирање на владеачка коалиција и можности за формирање на влада.
Истовремено, ДУИ го прекина маратонското заседание на партиското Претседателство, кое траеше во текот на минатиот викенд, а нивните наредни чекори се целосно неизвесни.
Инаку, денеска претставници на партиите ќе се сретнат на одвоени консултации со претседателот Иванов.
Можеби ќе ве интересира
ДЕВОЈЧЕ ОД ПЕТРОВЕЦ ИЗБЕГА ОД ДОМА: Таткото се сомнева дека е кај момчето
ЕФРЕМОВ: Полицајците евакуираа и спасија 60 стари, изнемоштени и неподвижни лица во Банско
ПО НЕГО ИМАШЕ ПОТЕРНИЦА: Кондовецот Агим Красничи е упасен во Косово
ВИСТИНСКИ РАЈ ЗА ОЧИ: Скопјанка во неколку техники украсува велигденски јајца
НА 8-МИ ГРАЃАНИТЕ ГЛАСААТ: Колку пратеници очекува Мицкоски?
КАСАМИ ДО АХМЕТИ: Toj е фатен од синдромот на Мендух Тачи, кој само се заканува
Г.Г.СТЕФАН: Што е можно побргу, да се освестиме и да се обединиме како народ
ПРИТВОР ОД ОСУМ ДЕНА: Kaвадарчанец спречил полицајци да фатат побегнат затвореник
МОЈСОСКА: Апел до сите пратеници да се откажат од патните трошоци по примерот на Левица
