ВМРО-ДПМНЕ со жестоки напади против Жерновски ќе го бара Центар назад

Добивај вести на Viber

ВМРО-ДПМНЕ води сосема видлива негативна кампања против центарскиот градоначалник Андреј Жерновски која е наменета за претстојните локални избори и тоа пред официјално да започне предизборната кампања. Тоа секако не ги спречува секојдневно да лансираат веќе видени партиски соопштенија во кои се оцрнува работата на Жерновски кој во текот на целиот мандат се соочи со огромни проблеми од централната власт. 

- Граѓаните на Општина Центар на следните локални избори ќе стават крај на ваквото расипничко однесување и неодговорно работење на Андреј Жерновски“, изјави Илија Илијовски, Претседател на ОК на ВМРО-ДПМНЕ Центар и советник во Општина Центар, во последното соопштение.

Намерата е сосема јасна, да се изврши притисок врз Жерновски, да се намали неговиот рејтинг, а со тоа и да се влијае врз гласачите со надеж дека општина Центар ќе се врати под раководство на градоначалник од редовите на ВМРО-ДПМНЕ. Жерновски секако, не е совршен градоначалник и има свои грешки во раководењето на општината, но од друга страна се најде под немилосрдната партиска преса на ВМРО-ДПМНЕ.