ВМРО-ДПМНЕ за фотографијата на Филипче и Вице Заев: Поважни им се плажите отколку животот на граѓаните

Добивај вести на Viber

И во криминалот и во одморот се заедно, Венко Филипче и семејството Заеви, Зоран и Вице, велат денеска од ВМРО-ДПМНЕ.

„Видовме од фотографиите по социјалните медиуми дека за Филипче и Заев поважни се грчките плажи од животот на 14-те изгорени во Тетово. Но, затоа десеттина дена по случајот во Тетово каде изгоре модуларната болница ниту има детали за починати, ниту нивен идентитет, велат од опозициската партија.

Во медиумите се појавија фотографии на кои се гледаат Вице Заев и Венко Филипче на плажа седнати на лежалка. За фотографиите се уште не коментирал Филипче.

„Нема ниту одговори на клучни прашања за тоа како се градени модуларните болници, од каков материјал и на кој начин, дали министерството за здравство побарало од изведувачот минимум стандарди за градба на модуларните бараки, зошто немало противпожарни апарати, зошто немало доволно медицински персонал, дали основното јавно обвинителство ја слушна изјавата на премиерот кој призна дека е длабоко инволвиран во истрагата која мора да биде непристрасна и објективна? прашува ВМРО ДПМНЕ.

Додаваат дека како тргнала работата според одредени сознанија се чини дека фиктивната оставка на Филипче ќе биде најмал проблем.

„Зошто? Затоа што многу елементи укажуваат дека доколку се води независна истрага, тогаш таа ќе заврши директно кај Филипче и Заев по што треба да следува и кривична одговорност.

Бидејќи поминаа десеттина дена од случајот, а нема никакви детали повторно го прашуваме Филипче, дали е точно дека на состанокот на кој се дискутирало за модуларните болници, бил предупреден од стручно лице, дека ПУР панелите не смеат да бидат вградени во модуларните болници, стои во соопштението.