ВМРО-ДПМНЕ: Заев може да бега, ама не може да побегне на правдата
Објавено во: Македонија 03 Јануари, 2017
Од ВМРО-ДПМНЕ обвинија дека лидерот на СДСМ, Зоран Заев неоправдано го одложувал своето појавување во судот затоа што како што соопштија имал некаква средба со Стојан Витанов, лице што не е вработено во италијанската амбасада.
Велат дека на тој начин Заев сакал за да го избегне судскиот процес во случајот „Поткуп“.
„Аболицираниот криминалец Заев може да бега, ама не може да побегне на правдата. Тој ќе одговара пред судот за изнудата од типот едно евро за црквата, едно евро за Вицето, и за тоа нема да му помогнат ниту никакви средби со кафекувари, портири или шофери“- велат од ВМРО-ДПМНЕ.
Од партијата известија дека институциите на правдата мора да покажат дека нема да толерираат сериски лажговци и криминалци како Заев да се кријат зад превезот на политичари, а судовите да не подлегнуваат под притисоците за реизбор на судии.