МИЈАЛКОВ НА ТАПЕТ: Неговата партија закажа седница на ЦК
Објавено во: Македонија 22 Октомври, 2018
Членови на ВМРО-ДПМНЕ во социјалните мрежи објавија "различни" сценарија кои може да се случат вечерва откако партијата закажа седница на Централниот комитет вечерва во 19:00 часот. Мислењата укажуваат дека постои голем јаз меѓу членството и главната дебата ќе се фокусира на поранешниот шеф на тајната полиција Сашо Мијалков, братучед на поранешниот премиер, Никола Груевски, пренесе порталб.мк.
Според една варијанта, партијата треба да го исклучи од членство Сашо Мијалков, а според други, ќе се бара оставка од претседателот на партијата Христијан Мицкоски.
Во редовите кои го штитат Мицкоски, Мијалков е идентификуван како главен „виновник“ за гласање на предлогот за покренување на постапка за уставни амандмани и дека "тој директно влијаел на опозициските пратеници да гласаат во Собранието на штета на Македонија".
Има и незадоволни кои тврдат дека "гласањето во Собранието се должи на фактот дека Мицкоски не успеа да ја земе под контрола и да расчисти сдо криминалните структури во партијата и дека тој дозволил таа да биде предводена од Груевски, Мијалков и Мартин Протоѓер ".