ВМРО за сообраќајката и бегањето на Спасов - СДСМ нема програма и манипулира
Објавено во: Македонија 30 Октомври, 2016
ВМРО-ДПМНЕ реагира на обвинувањата на Петре Шилегов и опозицијата за оставка на дополнителниот министер за труд и социјална политика. Диме Спасов кој учествуваше во две сообраќајки, побегна од полицијата и го испрати службениот возач да излаже дека тој всушност управувал со џип кој е во сопственост на Агенцијата за вработување. Според ВМРО-ДПМНЕ опозицијата нема своја политичка понуда па затоа се служи со манипулации и обвинувања за кои нема поткрепа.
„СДСМ е свесен дека не може да му парира на ВМРО-ДПМНЕ кога се во прашање проекти, економија, намалување на невработеност. Затоа мора да измислува и фабрикува лаги и да ја манипулира јавноста, наметнувајќи теми кои пред избори треба да го оттргнат вниманието на граѓаните од понудата на партиите. СДСМ уште еднаш го покажа вистинското лице. Не го интересираат ниту фактите, ниту институционалните постапки. Фабриката за афери ќе смисли конструкција и партијата и медиумите под контрола на партијата ќе пресудат“, се вели во реакцијата на ВМРО-ДПМНЕ.
СДСМ нема одговор кои се лицата кои го следеле Спасов и што е преземено против овие лица па затоа измислува лаги и конструкции без ниту еден доказ во функција на создавање конфликтност, деструкција и кризи.
„Тоа го прават само очајни луѓе кои знаат дека ги чека огромен пораз на престојните избори. Јавноста гледа дека Фабриката за афери на СДСМ повторно работи во три смени. Добро е што на 11 декември народот ќе ја стави во стечај фабриката и ќе запре ваквата деструкција на СДСМ. На народот му е веќе преку глава наместо со реални проблеми да се занимава со измислиците на Зоран Заев. СДСМ знае дека граѓаните нема да го одберат она што тие го нудат: следења, подметнувања, провокации, фабрикации и манипулации. СДСМ знае дека граѓаните уште еднаш ќе се одлучат за понудата на ВМРО-ДПМНЕ: развој, излез од кризата, нови работни места и просперитет, стои во реакцијата на ВМРО-ДПМНЕ.
Сепак, во реакцијата на владејачката партија нема ниту збор со кој би се обратиле за неодговорното однесување на нивниот заменик министер во владата, ниту пак одговор на клучните прашања кои наведуваат на злоупотреба на положбата, како и за официјалната истрага на МВР.
Можеби ќе ве интересира
ФАКТОР НА ДЕНОТ: Денеска гласаа болните и затворениците
ЛЕТОЦИ ВО ЧАИР: Пишува „Ако си муслиман, не гласај“
ВАЖНО ЗА ГРАЃАНИТЕ: Лични документи можат да се подигнат и утре
ТАМУ БИЛ ИЗБОРНИОТ МАТЕРИЈАЛ: Неколку мажи се обиделе да ја отворат предната врата и капијата од објект во општина Чаир
НАШИОТ АМБАСАДОР НЕ ПРИСУСТВУВАШЕ НА ЦЕРЕМОНИЈАТА: И Македонија ја бојкотираше инаугурацијата на Путин
УРИВАМЕ „ЦРНИ“ РЕКОРДИ: Два македонски градови се на листата најзагадени во Европа
НА ДЕН ВЕЛИГДЕН, КЕДЕВ ОСВОИ УШТЕ ЕДЕН ВРВ - го „победи“ Макалу, петтиот највисок врв во светот
БОКИ 13 ЗАВРШИ ВО СТАНИЦА: „Замислете, ме пријавил дека сум му ја загрозил безбедноста и дека сум го демнел“
ЗАЧЕСТИЈА НАПАДИТЕ ОД МАЛОЛЕТНИЦИ - четири лица уапсени, ограбиле други малолентици, ќе следи пријава
