Во 2035-та Европа со нова карта и граници

Добивај вести на Viber

На основа на документи на ЦИА, руската служба ГРУ и уште неколку извори,руски експерти ја нацртале картата на Европа во 2035 година.  Во наредните дваесеттина години Европа ја чекаат големи промени,  кои на основа на документите на ЦИА, руската служба ГРУ и експертските групи, ја нацртале картата на Европа во за 2035 година. Серијата на големи територијални промени ќе започне во Британија, каде Шкотска ќе прогласи независност, и би можела да се соедини со Ирска, пишува руски “Експрес”. Каталонците и Баскијците ќе прогласат независност од Шпанија, што ќе предизвика последици и во соседна Франција каде ќе започне распадот на “мултикултурализмот”. На југот на Франција ќе настане исламска држава, а областа Лорен ќе се соедини со Германија. Ќе се распадне и Белгија, додека Италија ќе се раздели на богат север и сиромашен југ, а Сардинија и Сицилија ќе прогласат независност. Територијата на Босна и Херцеговина ќе ја поделат Србија и Хрватска, а ќе настане и голема Албанија, која ќе ја сочинуваат Албанија, Косово и мал дел од Македонија. Тажна судбина ја очекува и Полска, сметаат руските експерти, која ќе мора да се откаже од делови на својата територија по серија од нови договори меѓу Русија и Германија. Белорусија ќе ја снема и ќе стане дел од Русија, како и некои делови од балтичките држави и Украина. Големи промени се очекуваат и на Кавказ, бидејќи експертите сметаат дека Русија нема да може да ги задржи Чеченија и Дагестан.