Во ДИК повикан избирачки одбор од Гостивар

Добивај вести на Viber

Членовите на избирачки одбор на гласачко место 0396/1 во Гостивар се повикани во Државна изборна комисија (ДИК). 

Ова следи по приговорот на БЕСА дека гласач бил оневозможен да гласа поради тоа што во списокот веќе имало потпис дека гласал, кои одговорија дека потписот се совпаѓа со нејзиниот во документите за идентификација.

„Од 13:00 часот јас почнав да работам како претседател на ИО и значи накај 14:30 дојде жена со сопруг да гласа. Прво се легитимираше и потоа во списокот се провери. Кога членот со списокот виде дека на колона каде е со слика и податоци веќе има потпис во тој момент почна да се реагира. Членот им кажа дека е потпишана и гласала, а таа потоа или сопругот тврдеше дека не гласале. Припадникот набљудувач на Беса тврдеше дека биле соседи и не гласала таа, по што инсистираше да се прекине процесот. Му кажав дека тој нема право да одлучи дали ке се прекине како набљудувач туку дека има право до ОИК да забележи. Ние видовме сите што е работата. Мислевме првин да не е некоја грешка, но потписот беше ист како на лична карта и на ливчето и на хартија жената се потпиша и потписот беше ист и заклучивме дека била и гласала. Ние втора смена не знаевме дали била или не. Со тоа не и дозволивме да гласа по втор пат, за да не го прекршиме законот. Заклучивме дека е обид за гласање по втор пат. Беше проверена со УВ ламба и заклучивме дека има знаци дека гласала исто како и кај другите членови кои гласале“ - вели претседателот на избирачкиот одбор.

Беше кажано дека луѓето обратно се потпишувале во списокот, а членовите на ДИК прашаа како знаеле дека потписот е нејзин затоа што во списокот има фотографија, но не и потпис од лицето. Додадоа дека потпис има само во личната карта, но не и на списокот.