Во Дубровник двојно поевтино од лани, но туристи нема

Добивај вести на Viber

Во хрватскиот град Дубровник цените се намалени и до 60 отсто, но туристи нема. 

Системот за пријавување и одјавување гости  eVisitor, покажува дека на 5 јули годинава во Дубровник имало 2.145 гости, што е само 13 проценти од бројот на гости кои престојувале во градот истиот ден лани, кога се реализирале 24.824 ноќевања.

Туристичката заедница во Дубровник наведува дека во хотелското сместување во градот сега има најголем број гости од Германија, Хрватска и Босна и Херцеговина, а во приватното сместување најбројни се Германците, Французите и Полјаците.

На подобра ситуација на почетокот на сезоната се надевале и угостителите во Дубровник, објави порталот „Индекс“.

Задолжително носење заштитни маски во продавница, во јавниот превоз и во медицински установи – ова се дел од новите построги мерки кои ги најави хрватскиот Кризен штаб, а кои почнуваат од денеска.

Вработените во кафетериите и рестораните ќе мора постојано да бидат со заштитни маски, а повеќе правила има и во врска со организирањето настани со повеќе од 100 учесници. 

Забрането е ракување и прегрнување.