Во ЕУ постои земја поуспешна од Германија
Објавено во: Економија 22 Февруари, 2017
Немаат невработени, им растат платите и им требаат работници.
Чешка Република бележи рекордно ниска невработеност. Во последниот квартал од 2016 година невработеноста изнесувала 3.6%. Тоа е најдобар резултат од осамостојувањето на земјата.
Според Еуростат, во Германија има поголема невработеност и таа изнесува 4.1%.
Сепак, двете земји имаат сличности затоа што имаат моќна индустрија, пред се автомобилска и се ориентирани кон извоз.
Имаат стабилен трговски баланс, добри јавни финансии, а задолженоста е на ниво кое не може да предизвика страв и загриженост.
Се очекува и раст на платите затоа што работодавците трпат притисок да ги задржат работниците на истите позиции.
Во Чешка недостигаат квалификувани и неквалификувани работници.
Од друга страна има голем интерес за производите на чешката економија, велат економистите.
Петар Малач, советник на чешкиот премиер вели дека од почеток на чешката влада приоритет и е привлекувањето на инвестиции и создавањето на нови работни места.