Во јануари имало 40 најдобри доктори, за секој награда од 500 евра

Добивај вести на Viber

40 доктори вработени во државните здравствени установи денеска добија по 500 евра награда поради тоа што најмногу сработиле во месец јануари. Според појаснувањето од Министерството за здравство, токму овие докторите минатиот месец давале одлични здравствени услуга, имале највисок коефициент според моделот плаќање по успешност и најголем број на посложени интервенции, со што, според Владиниот проект влегуваат во клубот 100-те најдобри доктори. „Очекувам секој месец овој број да се зголемува како резултат на поголемиот број на освоени бодови и поголемата ангажираност на поголем број доктори и на тој начин да дојдеме до бројката од 100 доктори за еден месец кои ќе бидат наградени и чија пожртвуваност ќе биде парично валоризирана“, изјави министерот за здравство, Никола Тодоров за време на свеченото доделување на парите. Наградените доктори добија и нови легитимации на кои покрај нивното име и презиме, стои и податокот дека се дел од 100-те најдобри лекари според  проектот за плаќање по учинок кој беше воведен пред неколку месеци во јавното здравство.