Во касата на Министерството за односи со заедниците недостигале повеќе од 30.000 евра
Објавено во: Македонија 18 Октомври, 2024
Канал 5 преку свиркач дојде до документ како допис за наводна неправилност во финансиското работење на Министерството за односи меѓу заедниците, во кој се тврди дека во касата недостасувале повеќе од 30.000 евра во денари и девизи.
Ова било констатирано од комисијата за попис на парични средства во касата при Министерството кое донеодамна го раководеше Артан Груби. За период од 2012 до 2020 недостасувале 426.507 денари, а во девизи за периодот од 2013 до 2019 недостасувале 27.237 евра и 98 долари.
Останува нејасно зошто нема извештаи и за другите години заклучно со последната фискална 2023, како и информацијата дали актуелниот министер Иван Стоилковиќ поднел соодветен поднесок до надлежните институции.