Во Македонија цвета трговијата со луѓе

Добивај вести на Viber

15 девојки на возраст од 13 до 22 години , биле жртви на трговија со луѓе во текот на минатата година. Од нив девет се малолетни, а шест полнолетни жртви,  ова го покажува годишниот извештај на Националниот известувач за борба против трговијата со луѓе и илегалната миграција во Република Македонија. При трговијата со луѓе најзастапена е сексуaлната експлоатација, двојна-сексуална и трудова експолатација. Министерката за внатрешни работи Гордана Јанкулоска посочи дека жените се најчести жртви на трговија со луѓе тие најчесто се од македонска, албанска и ромска националност, со  средно, основно или без никакво образование и истите речиси по правило потекнуваат од дисфукционлани смејства. -Секторот за трговија со луѓе и илегална миграција има поднесено кривични пријави против 8 лица, од кои двајца се полициски службеници, а од страна на Основниот суд Скопје 1 постапувано е по 54 предмети во кои се обвинети 85 лица, а изречена е казна затвор за 82 лица од 6 месеци до 10 години, а условно се казнети две лица, соопшти Јанкулоска. Јанкулоска истакна и дека минатата година се идентификувани уште 82 потенцијални жртви на трговија со луѓе. -Во текот на минатата година покрај фактот што е обезбедено сместување и поддршка за 9 лица жртви на трговија со луѓе, истовремено беше обезбедена и стручна помош и советување, специјализирани прегледи, соодветни лекарства и вклучување на жртвите во образовниот процес, истакна Јанкулоска, потенцирајќи дека истата грижа и третман го добиле и странските државјани кои биле жртви на трговија со луѓе и дека истите биле згрижени во прифатниот центар за странци. Таа додаде дека се добиени и оштетни побарувања за 4 жртви, во износ од 400.000 денари за секоја жртва.