Во Македонија на над 1.000 хектари ќе се засадат пет милиони шумски садници

Добивај вести на Viber

Во есенската акција „Ден на дрвото - засади ја својата иднина“, Јавното претпријатие Македонски шуми ќе пошуми над 1.000 хектари и ќе се засадат од четири до пет милиони шумски садници.

Пошумување  со шумските садници ќе стартува  на почетокот на  октомври и ќе трае до моментот кога ќе има поволни климатски услови, најави денеска директорот на Македонски шуми, Жарко Караџовски

Првенствено ќе се сади на опожарените површини, голините во шума и вон шума, локалитети во непосредна близина на урбани и рурални средини, свлечишта и локации покрај природните и вештачките езера.

Во Скопје ќе бидат засадени повеќе видови листопадни и иглолисни дрвја, додека, пак Охрид и Дојран ќе добијат 200 палми. Во Дојран, како и на средишниот дел од делницата на автопатот Богородица – Смоквица ќе се садат леандри, додека 10.000 аризонски чемпреси ќе има на средишниот дел на автопатот Скопје – Куманово.

„38 930  садници броја на листопадни и иглолисни видови се наменети за надвор од Скопје, а 60 350 садници  се наменети за Скопје, заедно со општините . И само да напоменам, ако  досега во Скопје се пошумиле и посадиле во овие зелени површини  за 4 годишен период 40 илјади садници според изјавата на град Скопје, значи ние само за есенското пошумување нудиме 60 илјади садници“ Караџоски.

Караџоски посочи дека во досегашните акции за пошумување просечната успешност изнесува околу 61процент, а најголема е регистрирана во 2009 и 2010 година кога достигнала до 70 проценти.

Од Македонски шуми ги повикуваат  општините и граѓаните, годинава  помасовно  да се вклучат во акцијата  за пошумување.