„ВО МНОГУ ТЕШКА СОСТОЈБА ОСТАНУВААТ ЧЕТВОРИЦА ПОВРЕДЕНИ ВО ПОЖАРОТ“: Нивната состојба се менува

Добивај вести на Viber

Вкупниот број на пациенти кои остануваат да се лекуваат во странство утринава е 113, соопшти министерот за здравство Арбен таравари, нагласуваќи дека еден пациент уште вчера е вратен од Белград, како и пациентка која беше на лекување во Бугарија.

-До вечерва во болниците надвор од Македонија ќе бидат згрижени 108 пациенти, бидејќи денеска очекуваме враќање на уште пет, четворица кои беа на лекување во Шпанија и еден од Грција. За жал четворица пациенти остануваат да бидат критични, тие се во многу тешка состојба, но според информациите кои ги добиваме, пациентите се стабилни. Сепак, да бидеме внимателни во изјавите бидејќи нивната состојба флуктуира, нагласи Таравари.

Штго се однесува до бројот на хоспитализирани кај нас, Таравари рече дека остануваат на лекување само уште 23 пациенти кои се во добра општа состојба, другите се испишани, а во наредните денови ќе брифираат за понатамошни испишувања.

-Очекуваме сè повеќе испишувања во наредните денови и од нашите болници и од странство, така што можам да кажам дека трендот на заминувања на домашно лекување е во нагорна линија. Согласно протоколите, оние кои се враќаат од странство ќе бидат задржани барем 24 часа во болница откако ќе биде направена тријажа. Очекуваме половина да се вратат, но некои се и оперирани, па најверојатно нив ќе им треба подолг престој во болница, рече Таравари.

Министерот истакна дека во наредните денови ќе информира и за евентуално формирање центар за изгореници, чија реализација се планира во наредните недели.

А. Б.