Во овие европски земји работниците земаат најмали плати
Објавено во: Финансии 22 Септември, 2017
Ако се земат в предвид трошоците за живот, работниците во 11 земји во источна и средна Европа земаат за 944 евра помали плати од работниците во Германија.
Најмали плати примаат работниците во Романија, Бугарија, Унгарија, Латвија и Хрватска.
Ова го покажува истражувањето на Европскиот синдикален институт.
Ако се смета по сектори и по степен на образование, некои кадри земаат за 1058 евра месечно помалку од своите колеги во Германија.
Големи разлики во плати меѓу истокот и западот на Европа има во секторите градежништво, занаетчиски дејности, јавен секор, финансии.
Мала разлика во плати има во хотелиерството, трговија на мало и административни работи.
Се смета дека во Германија, Австрија, Холандија и скандинавските држави индустриското производство има успех токму поради добрите плати.