Во селото Николиќ виреат мандарини, но тие имаат еден непријател кој може да ги „покоси“
Објавено во: Македонија, Агробизнис 16 Ноември, 2022 08:24
Повеќето жители на дојранското село Николиќ засадиле мандарини во своите дворови и тие успеваат, а само силниот мраз е нивен непријател.
Мештаните раскажуваат дека засадиле мандарини за свои потреби. Климата одговара. Има сонце, вода, а само силниот мраз во зима може да ги оштети дрвцата по што тешко се опоравуваат. Тие сметаат дека од човек на човек информациите ќе се шират и ќе се зголемува бројот на оние кои ќе засадат мандарини. За да тоа дали во иднина ќе има цели плантажи, не се сигурни, затоа што дрвцата бараат нега, a младите oбично ја одбегнуваат земјоделската работа. Жителите на Николиќ велат дека климатските услови кои ги имаат во овој дел од Македонија, се вистински благодет, кој овозможува да успеат смокви, маслинки, калинки и слично.
„Јас имам две дрвца во дворот кои се засадени пред неколку години. После 3 години веќе раѓаат по некој плод, но полн род очекуваме по 5 години од засадувањето. Тие не се прскаат, бараат вода, а колку ќе одат дрвцата во височина зависи од кроењето. Во зима ако има мразеви треба да се заштитат, да се покријат со најлон. Многу луѓе во Николиќ имаат засадено мандарини во дворовите. Во ова село жителите поседуваат и земја која ја обработуваат“, раскажува Даниела Ангелова, жителка на Николиќ.
Се смета дека развиено дрво може да даде 10 колограми мандарини. Рушка Газетиќ од Стар Дојран засадила едно дрво и очекува род.
„Јас имам засадено едно дрвце и очекувам после 5 години да има род. Убаво е луѓето да имаат мандарини за свои потреби“, додава таа.
Но, има и такви кои засадиле, а при јаки мразеви дрвцата настрадале затоа што не биле соодветно заштитени.
„Јас имав засадено, меѓутоа пред неколку години имаше силни мразеви, не беа соодветно покриени и измрзнаа. Но, такви студени зими со јаки мразеви може да се погодат еднаш во пет години“, вели жителка на Николиќ.
Научниците велат дека мандарината содржи антиоксиданси, многу витамини, минерали, штити од многу болести, а според некои истражувања штити и од карцином на црниот дроб. Медитеранската клима во Дојран нуди доста предности. Инаку, Николиќ е живо село во кое има околу 500 жители.
Сања Атанасовскаfoto freepik.com/bearfotos
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
УТРЕ ДА ГИ ВНЕСЕМЕ БУГАРИТЕ ВО УСТАВ, ПРАШАЊЕ Е ДАЛИ ЗА 3,6 ИЛИ 9 МЕСЕЦИ ЌЕ ИМАМЕ НОВ УСЛОВ: Мицкоски за уставните измени
ФАКТОР НА ДЕНОТ: Одбраната на поранешните градоначалници Папазов и Илијев тврди дека немале никаква надлежност и одговорност за „Пулс“
CNN ЗА МАКЕДОНИЈА: Постои една прекрасна јужноевропска земја со вкусна храна и одлично вино
Телото на Миле Тодоров било пронајдено пред половина месец
УХМР за утре сподели „жолт хидроаларм“ - каде се можни излевања?
ТАЖЕН КРАЈ: Исчезнатот Миле Тодоров од Неготино е најден починат
Костадинов ги отфрла наводите во кривичната пријава: „Стојам на располагање на надлежните“
Град Скопје со препораки: Затоплувајте се само со суво и чисто дрво
