Во серијата напади на автомобили настрада и тој на „Радникот“
Објавено во: Македонија 02 Април, 2018
Веќе подолг период не престанува потпалувањето на скапи автомобили, доста често на познати и моќни личности, а овој пат настрада и возилото на Љупчо Тодоровски „Радникот“ кој во минатото ја извршуваше функцијата директор на Бирото за јавна безбедност.
Освен вообичаените чаршиски шпекулации засега нема конкретни и официјални информации кои се мотивите за потпалување на џипот на поранешниот полициски функционер.
Неговиот џип Нисан навара бил запален на паркинг во населбата Аеродром кај трговскиот центар Три бисери по што интервенирала противпожарната служба.
Тодоровски служеше како директор на БЈБ во период кога Јанкуловска беше министер за внатрешни работи, а Мијалков началник на УБК. Потоа се пензионираше во 2013 година, а сега е дел од Факултетот за безбедност.