„ВО СКОПЈЕ ПРВИ ОТКРИЕНИ ДОКУМЕНТИ ЗА БУГАРИНОТ ГОЦЕ ДЕЛЧЕВ“: „Нема што да се спори“, проф Георгиев

Добивај вести на Viber

Споровите за самоопределувањето на Гоце Делчев се бесмислени покажуваат документите што ги објави проф. Драги Георгиев, копретседателот од македонска страна на Мешовитата бугарско-македонска комисија за историски прашања, пишува утринава БГНЕС.

Пред неколку години, самиот Драги Георгиев за прв пат покажа турски документи откриени од него од отоманската архива во Истанбул. Ова се списоци на борбите на турската војска со четите во Македонија. На страница 28 од неговото дело има документ за убиството на Гоце Делчев. Го вели следново: име на градот каде се водела битката - Серес; место на битката – село Баница; тип на војска - бугарски. Подолу е напишано името на водачот на одредот – Делчев, наведува БГНЕС.

-Гоце Делчев во текот на животот се дефинирал како Бугарин. Не го ни користи зборот Македонец. Македонија се користи само кога е во прашање името на организацијата. Делчев е матурант на Бугарското воено училиште. Тој е и бугарски егзархиски учител во Банско.

Гоце Делчев, заедно со Ѓорче Петров, е автор на првиот статут и правилник на Бугарските македонско-одрински револуционерни комитети - тоа го напишал самиот тој во 1896 година, кога биле создадени статутот и правилникот по првиот генерален конгрес на организацијата што се одржа во Солун.

Интересен е фактот што овој статут и правилник за прв пат е објавен во Скопје од локалниот научник проф. Иван Катарџиев. И ова се случува многу години пред да се најде примерок во Бугарија.

Гробот на Гоце во црквата Свети Спас во Скопје

Српските документи од периодот меѓу двете светски војни (1919-1939) го определуваат населението на тогашната Вардарска Бановина како бугарско. Ова го пишуваат и извештаите на српската полиција. Оригиналите на овие документи се во Белград, а копиите се во архивата во Скопје.

Денес, кога ја славиме 151-годишнината од раѓањето на бугарскиот револуционер Гоце Делчев, спорот за неговата етничка припадност е дел од 150-годишниот насилен обид за прикривање на минатото, преку криминално фалсификување документи во служба на поробувачите на Македонија, наведува БГНЕС.