Во Србија почина уште една трудница од корона, бебето е на респиратор
Објавено во: Балкан, Корона Вирус 08 Октомври, 2021
Уште една трагедија ја потресе Србија.
Во Крагујевац денеска почина 36-годишната Ана П. од Врњачка Бања, трудница која била во осмиот месец од бременоста, јавуваат српските медиуми. Таа била примена во болница во Крагујевац во тешка состојба. Веднаш била приклучена на респиратор со карактеристични симптоми на ковид-19 и и е извршен царски рез. Бебето е спасено, но и тоа сега е на респиратор. Ана работела како градежен инженер во Врњачка Бања, не била вакцинирана и од короната добила тешки оштетувања на белите дробови. Покрај бебето, таа имала уште едно дете на возраст од една и пол година.
Пред неколку дена, во Ниш почина 20-годишна трудница од градот Књажевац. Во последните шест месеци, во Србија има седум починати трудници и родилки од коронавирусот.
Foto: Arhiva VN