Во Србија за еден ден 4.000 пациенти оздравеле од корона - еве ги причините

Добивај вести на Viber

Бројот на излечени од коронавирусот во Србија се зголеми за нешто повеќе од 4.000 пациенти за само еден ден, што предизвика многу сомнежи, а заменик-директорката на на Институтот, Дарија Кисиќ-Тепавшевиќ, одговори дека немало непрофесионални или немедицински причини за тоа, пишува српски Курир.

Причината, вели д-р Кисиќ Тепавшевиќ, е ново рекласифицирање на позитивите за вирусот.

Таа вели дека во петокот е донесена одлука во Кризниот штаб за „релекс“ на тековниот строг пристап кон надзорот на Ковид-19.

Имено, како што вели, на седницата на Кризниот штаб во петокот, било решено дека еден негативен ПЦР тест е доволен за асимптоматските пациенти, наместо претходните два, за една личност да се смета за здрава, и со тоа е скратено времето за следење на текот на болеста.

На веб-страницата „Ковид19“ беше објавено во петокот дека бројот на излечени бил 6.931, додека еден ден подоцна тој број е 11.056.

„Имајќи ја предвид поповолната епидемиолошка состојба кај нас, што првенствено се рефлектира во доминантните асимптоматски форми на инфекција, затоа што за повеќе од 75 проценти од пациентите не сме принудени интензивно да ги бараме, ние во Кризниот штаб во петокот решивме дека се исполнети условите за помалку строг пристап кон супервизијата“, рече Кишиќ.

Таа објаснува дека ова сега значи дека луѓето на кои им е дијагностициран вирусот и немаат знаци на заболување, по клиничкиот преглед одат на домашна изолација, а не во привремена болница.

Додава дека тие остануваат во домашна изолација 14 дена, а доколку не развијат никакви симптоми на болеста до тогаш, прават ПЦР тест и ако се негативни, тие се обележани како здрави.

„Во согласност со новите критериуми, статусот на сите позитивни случаи е прекласифициран“, вели Кишиќ.

Фото. Курир.рс