ВО ТЕАРЦЕ ЌЕ СЕ КРШАТ КОПЈАТА: Можно ли е ова прегласување да го смени изборниот резултат и мандати?

Добивај вести на Viber

Како што соопштивме во Теарце според последната и конечна одлука на Управен суд ќе има прегласување. Судот ја прифати тужбата на СДСМ при што реши дека е недозволиво да недостасува доверлив материјал, во случајов Записникот 15.

Избирачкиот одбор на тоа гласачко место ја известил Општинската комисија дека од кочанот е откинато гласачко ливче заедно со серискиот број а записникот е доказ од кој единствено може да се утврди во каква состојба бил изборниот материјал пред почетокот на гласањето, се вели во образложението на Одлуката. 

Според Управниот суд, спротивно на Изборниот законик е и носењето на одлуката на ДИК со 4 гласа за, 4 против и еден отсутен. Не е дозволено гласање со „воздржан“, велат од Судот. Напуштањето на седницата од страна на членот Субхи Јакупи е недозволиво, а неговиот глас треба да се брои како глас „против“, образложуваат управните судии. 

МОЖЕН ПРЕСВРТ ВО РАСПРЕДЕЛБАТА НА МАНДАТИ

Симулациите покажуваат дека во шестата изборна единица најмногу мандати добила партијата на Али Ахмети или вкупно 6, ВМРО ДПМНЕ и коалицијата добиле 4 мандати, БЕСА и СДСМ по три мандати, додека Алијанса за Албанците и ДПА добиле по 2 мандати.

Ако се земе предвид дека Теарце е во изборната едница шест каде што разликата во гласови меѓу двете политички ривали се кршат копјата за изборните мандати е само 307 гласа можно е ова прегласување да донесе пресврт во бројките и да се смени распределбата на мандатите.

Колку ова би се случило ќе видиме од последниот изборен исход на тоа изборно место каде што во недела на 25 декември ќе има прегласување.