Добивај вести на Viber
Во Црна Гора секој месец во стечај одат околу 50 фирми, со што се укинуваат над 100 работни места.
Во јануари и февруари имало 112 предлози за отварање на стечај во фирми, а лани 520 компании отишле во стечај.
Најтешко им е на работниците кои не можат да си ги наплатат побарувањата, затоа што имотот оди под хипотека или преминува во сопственост на банките.
На работодавците им се отвараат нови можности, со тоа што затвораат една, а отвораат нова фирма.
Во стечај најчесто одат мали и средни претпријатија кои имаат помалку од 100 вработени, но се случува и многу значајни компании по приватизација да заминат во стечај.
Експертите велат дека оваа ситуација е резултат на лоши економски политики, и предлагаат на сите кои сакаат да работат и да отворат бизнис, да им се понудат еднакви можности, со што Црна Гора ќе оди напред.