Во Вухан нема сообраќај освен амбулантни возила, во Пекинг совети луѓето да не се ракуваат

Добивај вести на Viber

Повеќе од 2.000 луѓе ширум светот се заразени со новиот вирус корона, а повеќето од нив се во Кина, каде досега починале 56 луѓе од вирусот, според најновите објавени податоци.

Кинескиот претседател Си Ксипинг изјави дека земјата се наоѓа во „тешка ситуација“ додека здравствените власти ширум светот се борат за да спречат пандемија.

Новиот вид вирус, за кој се верува дека се појавил кон крајот на минатата година и потекнува од рибниот пазар во централниот кинески град Вухан, каде диви животни биле нелегално продадени, се шири и во другите кинески градови, вклучително и Пекинг и Шангај, но и во други земји - САД, Тајланд , Јужна Кореја, Јапонија, Австралија, Франција и Канада, пренесува Ројтерс.

Кина денес потврди 1.975 случаи на пациенти заразени со новиот вирус, додека бројот на смртни случаи од вирусот се искачи на 56, објави државната телевизија ЦЦТВ.

Како дел од мерките за борба против ширењето на вирусот, во Вухан, град со население од 11 милиони луѓе, сообраќајот е во прекин, освен за амбулантните возила, а делумно затворање на сообраќајот се применува и во другите градови во тој кинески регион.

Здравствените власти во Пекинг ги повикаа луѓето да не се ракуваат при поздравувањето. Ширењето на вирусот ја засени Лунарната новогодишна прослава, а јавните настани беа откажани и се затворија многу туристички места.

Новооткриениот корона вирус, кој може да предизвика пневмонија со смртоносни последици, сè уште има многу непознатици - од тоа колку е опасно тоа колку лесно се пренесува од личност до личност.

Популарните забавни паркови во Хонг Конг - Дизниленд и паркот Ошини - се затворени денес за да се спречи ширењето на смртоносниот вирус корона што се појави во градот Вухан, јавуваат кинеските државни медиуми. Сепак, хотелите кои работат во рамките на хонконшкиот Дизниленд работат како и обично, 

Курир рс, фото EPA