ВОЈНА ПРОТИВ ДЕЗИНФОРМАЦИИ: Вака власта ќе се бори против лажни вести
Објавено во: Македонија 20 Септември, 2019
Властите им објавија војна на лажните вести, пропагандата и дезинформациите.
Премиерот Зоран Заев, на првиот состанок на акционата група за координирање на проектот, рече дека трендот на ширење шокантни вести и лаги не само што ја поткопува демократијата, туку и шири нетолеранција дома и во регионот.
Пропагандата, дезинформацијата и ефтините псевдо-новинарски приказни поттикнуваат омраза и насилство, создаваат параноја и заговор, ја поткопуваат демократијата и националната безбедност. Тие не е слободен говор. Напротив, тие имаат за цел да манипулираат со граѓаните, да уништуваат поединци, да создаваат конфликти. Затоа мора да научиме да правиме разлика меѓу лаги и конструктивни критики, што е сојузник во нашата работа, рече Заев.
Заев посочи дека имало најмногу примери за лажни вести за време на Договорот од Преспа со цел да се минира истиот.Претседателот Стев Пендаровски рече дека ова е светски феномен и за да се надмине, потребно е да се вклучат сите фактори, вклучително и медиумите и граѓаните.
За претседателот на парламентот Талат Џафери, транспарентноста на институциите е клучна во борбата против дезинформациите.