„ВОЗИЛА ОД ПАРКИНГ НА АРМ СОЧУВАНИ ЛЕВEЛ БАБА ГИ ВОЗЕЛА. Пожарникари бараме во јули за 24к плата“: остри критики за борбата со пожарите

Добивај вести на Viber

По бројните пожари кои деновиве се разгореа низ нашата земја, но и по информациите дека дел од нив се подметнати, општествените критичари укажуваат и на дел од пропустите на првите луѓе во некои од клучните инситуции битни за борба со пожарите на отворено. 

На темата утрово се огласи Ина Многуфина, и како и секогаш остроумно укажа на недостигнот од организација и потребата од подобра опременост за пожарникарите да можат полесно да се справуваат со пламените јазици. 

- Никој не излезе да објасни зошто не се купува опрема за пожари секоја година. По изјавите на бескрајно харизматичниот и духовит Стојанче во кого некој гледа менаџер ја гледам сериозноста на пристапот. 

Возила од паркинг на АРМ сочувани левел баба ги возела, пожарникари бараме во јули за 24к плата, пилоти ќе обучуваме од септември веројатно за пожарите во јануари да се спремни и најјакото од се не требало дронови туку Стојанче кој до пред некоја година не го интересирало дали постои ДЗС, сега, пазете ова, ќе им плаќал по едно пиво на селаните пред кооперации и они ќе биле место дронови единица за брзо алармирање за пожари.

Демек оние 5 луѓе што се собираат "Кај Миле" на гајбите во Благодарево после 5 пива кога ништо не гледаат ќе го видат пожарот во планината, исто ко дрон, ќе го извадат телефонот и ќе му ѕвонат на Стојанче ваљда да му кажат. 

И он изгледа ќе дојде со гранката и ќе го истепа огинот кој што го регистрирале кооперација единиците за известување.

Ама среќа за пратениците за трошоци и за службени коли немаме ваков проблем. За пожарите нека се засрамат овие што не донирале, буџетот си има свои приоритети. 

И не треба многу со недоверба да се гледа, треба и вие да им верувате ко тие што му веруваат на народот. Еве во Битола, два месеци стара фирма добила тендер од 2.5 милиони евра од ЕСМ со „жими мајка“ уверување дека има 330 работници на лагер. 

Келнер не можеш да најдеш за 2 месеци не па 330 работници ама ете му верувале. Значи треба да се има доверба и со Господ напред некој нешто ќе донира и се ќе биде ок. Добро? - напиша Ина на Фејсбук.