Возила со неисправни сопирачки вршеле јавен превоз во Битола и Прилеп
Објавено во: Македонија 12 Јануари, 2022
Пет возила што вршат јавен превоз во Битола и Прилеп имале неисправни сопирачки. Од нив четири возила сообраќале на територија на Битола и едно возило на територија на Прилеп.
Полицајци од СВР Битола денеска од 8 до 14 часот, направиле акциска контрола на возила кои вршат јавен превоз на патници. Откриени и санкционирани се пет возила со неисправни сопирачки, кои веднаш се исклучени од сообраќајот. Засилените акциски контроли продолжуваат.
Ученици од Прилеп деновиве се возеле со технички неисправен автобус до Попова Шапка.Во ноември лани во Бугарија, се запали македонски автобус, при што загинаа 45 луѓе. Оттогаш има засилени контроли во државава.