28 Септември, 2021
0.0221

Вредни се како мравки, со години не заминале на одмор, а сега имаат и нова мака

Објавено во: Македонија, Агробизнис 19 Јуни, 2021

Многу македонски земјоделци иако вредно работат, со години не заминале на годишен одмор.

Имаат премногу работа, но и финансиската немоќ си го право своето. Ристо Велков од Синдикатот на земјоделците од струмичкиот регион раскажува дека на одмор последен пат бил во времето на Југославија. Тој повеќе од 30 години се занимава со земјоделство.  Вели дека работата е напорна, а обврски има од утро до мрак. На нива оди во зори, пред изгрејсонце, а работата продолжува и попладне, се до стемнување. Така е во селото Василево каде тој живее. Денот е исполнет со обврски, а време за чекање нема, затоа што оваа работа не трпи одлагање. Сѐ треба да се заврши навреме, и онака како треба.

„Вистинскиот градинар нема време да оди на одмор. Ако се остави земјоделецот на една култура, нема да може да опстане, така што мора да има две - три култури. Штом една култура ќе заврши, почнува друга. За градинарот има работа цела година, од производство на расад, садење, до собирање на родот. Повеќето кои ги знам, не одат на одмор, а има и многу што не можат да замислат за одмор, освен некои кои си имаат работници“, рече Велков.

Тој објаснува дека од земјоделството тешко се живее. Работат за да си ги покријат трошоците, за основните потреби. Смета дека државата треба да води поголема грижа за земјоделството. Во селото Василево, 60 до 70 отсто од жителите зависат од земјоделската дејност.

„Ако се распределат парите за цела година, има да се преживее, да се школуваат децата и толку. Повеќе нема затоа што производната цена на земјоделските производи е висока“, додава Велков.

Она што сега ги засега земјоделците е и поскапувањето на горивата. Стравуваат дека тоа ќе се оздрази на стопанството, на целокупното живеење, а за нив и жетвата ќе биде поскапа. Од 1 јули годинава ќе се воведе еколошка такса со која за 3,5 денари ќе поскапат сите горива во земјава. Ќе поскапи нафтата, бензините, дизелот и сите останати нафтени деривати. Спиралата на раст на цените е неминовна и ќе „удри“ по џебот на граѓаните.

Што се однесува до одморите, според податоците кои претходно ги објави Евростат, од 57 па до 61.2 отсто од граѓаните во земјава не можат да си дозволат да отидат на одмор.

Сања Атанасовска

Можеби ќе ве интересира

Талат Џафери: Рано е за анкетна комисија за трагедијата во Тетово

Талат Џафери: Рано е за анкетна комисија за трагедијата во Тетово

Д-Р АЛЕКСАНДАР ПЕТЛИЧКОВСКИ: Ако ги оставиме децата неимунизирани, третата доза нема многу да помогне

Д-Р АЛЕКСАНДАР ПЕТЛИЧКОВСКИ: Ако ги оставиме децата неимунизирани, третата доза нема многу да помогне

Талат Џафери: Љубомир Фрчкоски е предложен за амбасадор во ОН

Талат Џафери: Љубомир Фрчкоски е предложен за амбасадор во ОН

Донација од Кроациа Осигурување Живот за Детска клиника Скопје

Донација од Кроациа Осигурување Живот за Детска клиника Скопје

Наташа Петровска не дојде на митингот на СДСМ во Битола

Наташа Петровска не дојде на митингот на СДСМ во Битола

ТРЕТА ДОЗА ВЧЕРА ПРИМИЛЕ 69 ГРАЃАНИ - еве кои се условите за да ја добиете

ТРЕТА ДОЗА ВЧЕРА ПРИМИЛЕ 69 ГРАЃАНИ - еве кои се условите за да ја добиете

МАЛЕСКИ ЗА ЦРВЕНКОВСКИ: Пострашни зборови не може да смисли ни најлутиот непријател, вака зборуваат претседатели кавгаџии

МАЛЕСКИ ЗА ЦРВЕНКОВСКИ: Пострашни зборови не може да смисли ни најлутиот непријател, вака зборуваат претседатели кавгаџии

Има уште три дена од пописот: Ќе има ли во Македонија барем 1,8 милиони жители?

Има уште три дена од пописот: Ќе има ли во Македонија барем 1,8 милиони жители?

ПОПИС УШТЕ ДВА ДЕНА: Еве колку граѓани попиша статистиката досега

ПОПИС УШТЕ ДВА ДЕНА: Еве колку граѓани попиша статистиката досега