ВРЗАНО, БЕЗ ХРАНА И ВОДА, ОСТАВЕНО СО ЦЕЛ ДА УМРЕ:Ова е свирепа вистина за едно куче кое сопственикот два пати го остава
Објавено во: Македонија 01 Ноември, 2023
Јавното
претпријатие Лајка два пати заловува ист германски овчар, а по вчерашната
акција, објавија детали за ова куче.
-Сакаме да
споделиме една свирепа и страшна приказна за животот на едно куче, а воедно и
реалноста за сопственичките кучиња како завршуваат кога своите сопственици не
сакаат повеќе да се грижат за нив. По пријава од граѓани за куче кое веќе
подолго време е на јавен простор, напуштено, без сосптвеник беше заловено куче
од нашите екипи на 18.10.2023 година во општина Аеродром. По стандарна проверка
се воспостави дека кучето има микрочип, а неговиот сопственик веднаш беше
контактиран. Наредниот ден на 19.10.2023 кучето беше превземено од неговиот
сопственик, кој си плати за заловување на кучето, согласно правилникот за
работа на ЈП Лајка. На 26.10.2023 по пријава од граѓани дека има напуштено и
заробено куче во напуштена фабрика во населба Автокоманда, нашите екипи веднаш
постапија по пријавата. Кога пристигнаа на посочената локација, го најдоа
истиот германски овчар, напуштен и ВРЗАН во напуштената фабрика. Кучето беше
изгладнето, изнемоштено и болно, свесно оставено без пристап до вода и храна,
видно вознемирено, но среќно кога виде дека доаѓаат луѓе да му помогнат. Кучето
веднаш доби вода и храна, а и самото влезе во нашето комбе, велат од ЈП Лајка.
Оттаму велат дека сега кучето
останува со нив до негово вдомување, а случајот ќе биде пријавен до Агенција за храна и ветеринарство. Исто така, како што потенцираат,
ќе биде покренета и кривична
постапка до сопственикот согласно
член 233 од кривичен законик за мачење на животни.
-Кучето не е во најдобра
здравствена состојба, се надеваме дека за брзо време ќе биде добро и ќе биде
објавено за вдомување, велат од
Лајка.
Видете каде е оставено кучето: