Вучиќ вели дека не треба да ја молиме ЕУ
Објавено во: Македонија, Балкан 24 Октомври, 2019
Српскиот претседател Александар Вучиќ во интервју за Фајненшал тајмс, вели дека земјите од регионот не треба да ја молат ЕУ, туку да бараат алтернативи во регионално поврзување и соработка со Кина и Русија.
Вучиќ смета дека одбивањето на ЕУ да започне пристапни преговори со Северна Македонија и Албанија е потврда на исправноста на неговата политика за блиски врски со Кина и Русија.
„Мораме да се грижиме за себе, тоа е единствениот начин и пристап. Се друго би било неодговорно“, изјави Вучиќ.
Тој вели дека сега се гледа дека процесот на пристапување кон ЕУ не зависи од земјите кои тежнеат кон тоа, иако така ги убедуваат.