ВУЧИЌ ЗА ПРОТЕСТИТЕ ВО НОВИ САД: Во Србија нема да има македонско сценарио

Добивај вести на Viber

Претседателот на Србија,  Александар Вучиќ изјави дека во Србија нема да се случи „македонско сценарио“, откако на протест во градот Нови Сад, демонстрантите го обоија плоштадот со црвена боја. Демонстрантите со рацете оставаа отпечатоци на плоштадот. 

Протестот беше по повод еден месец од несреќата на железничката станица во која загинаа 15 луѓе, а двајца тешко повредени сè уште се во болница.  Вучиќ кажа дека е копија на шарената револуција во Скопје.

„Мислите дека генијално тоа што ги обоиле бехатон плочките во црвено, кои нема да можат целосно да се исчистат? Мислите дека тоа е нивна идеја? Пронајдете снимка од 2016 година, потполно исто сценарио во Северна Македонија. На потполно ист начин го обоија главниот плоштад во Скопје. Газдата и спонзорот е секогаш ист, а жртва се народите над кои се спроведуваа шарените револуции. Во Србија тоа нема да го има, бидете уверени“, кажа Вучиќ. 

Поради несреќата, српските граѓани досега организираа повеќе протести во Нови Сад и Белград. Меѓу загинатите беше и македонскиот научник Васко Саздовски кој работел во Нови Сад. 

На 5 мај 2016 година, Плоштадот Македонија беше обоен во црвено. Протестот во Скопје тогаш го предводеше Александар Нешковски, брат на убиениот Мартин Нешковски. 

Фото: Александар Вучиќ/Инстаграм профил