YouTube ќе си оди од Русија?

Добивај вести на Viber

Видеоплатформата YouTube може да се повлече од територијата на Русија, ако биде усвоен предлог-законот во  Државната дума со кој се ограничуваат дела на странските сопственици во компании за аудиовизуелни услуги со професионална содржина.

Веста ја објави “Комерсант“, повикувајќи се на руското секторско здружение на медиумско-комуникациска унија и други извори.

Поимот „организатор на услуги за аудиовизуелни услуги“ го опфаќа и YouTube. Ако проектот биде усвоен, видеоплатформата може да ја напушти Русија, прогнозира весникот.

На YouTube се хостира и професионална, и корисничка содржина, но во моментов не постои начин да се разликуваат една од друга, објаснуваат извори на весникот. Освен тоа, со усвојувањето на законот може да се подигнат дополнителните трошоци за создавање на нова инфраструктура, смета еден од нив.

Според податоците на весникот руските мобилни оператори "Вимпелком" и МТС исто се спротивставуваат на усвојувањето на закон со кој се ограничуваат активностите на странски онлајн филмски канали.

Од 1 јуни 2017 година странското учество во руски компании за аудиовизуелни услуги може да биде ограничено на 20 отсто, предвидува законот, лансиран според весникот од холдингот "Газпром медиа" и "ЗТС медиа".

Проектот веројатно е наменет специјално против американската компанија за видео услуги Netflix, која во јануари соопшти дека се насочува кон рускиот пазар, забележува BBC.