За 3 месеци гасот поскапе 13%!

Добивај вести на Viber

Природниот гас во Македонија е речиси 70% во однос на цената на овој енергенс во Западна Европа. Од компаниите постојано алармираат дека растот на цената на гасот и немањето гасовод ги поскапува нивните производи, со што ги прави неконкурентни на странските пазари. Од почетокот на годината до сега гасот поскапе за дури 13%. Ако во јануари компаниите приклучени на системот за пренос на природен гас во земјава плаќаа 30,0306 денари за нормален метар кубен гас, во април истата количина ги чинеше 3,9447 денари поскапо, односно 33,9753  ден/nm3. На месечно ниво пак, од март до април годинава природниот гас поскaпе за 7,85%. Како причина за промена на крајната највисока цена на природниот гас во април, снабдувачот со природен гас Макпетрол пром-гас побарал од Регулаторната комисија за енергетика поскапување од 13% поради “промената на курсот на САД доларот, промената на увозната цена на природниот гас, повисокиот квалитет на природниот гас испорачан во месец март, отстапувањето на планираните во однос на реализираните количини за месец март, како и промената на зависните трошоци“. Макпетрол Пром-гас во април планирал да испорача 3.148.691 nm3 природен гас, за разлика од планот за испорака на 4.937.340 nm3 гас во мар годинава. За сега, најголемиот дистрибутер на горива во Македонија, Макептрол, е единствениот увозник на природен гас од руски Газпром.   извор: Регулаторна комисија за енергетика Евтините енергенси очајно и требаат на македонската економија! Ограничениот пристап до енергенси кои во Македонија се рекордно скапи е една од причините за неконкурентност на македонската економија. Само 30-тина од македонските компании имаат “привилегија” да го користат природниот гас како гориво, но по највисока цена во регионот. Природниот гас во Македонија е речиси 70% во однос на цената на овој енергенс во Западна Европа. Од компаниите постојано алармираат дека растот на цената на гасот и немањето гасовод ги поскапува нивните производи, со што ги прави неконкурентни на странските пазари. На гасоводот пак, се чека цела транзиција. Во отсуство на гасовод и поголемо домашно производство на електрична енергија, македонските компании бараат решение како да штедат на трошоци за да бидат конкурентни на странските пазари, каде што енергенсите не се луксуз. Компаниите бараат Владата конечно сериозно да се посвети на капиталните инвестиции во енергетиката. Аналитичарите алармираат дека ако годишниот раст на потрошувачката на електрична енергија од околу 4% продолжи и во иднина, потребно е да се изградат големи енергетски капацитети, кои пак, нема да можат да се пренесат преку постоечката преносна мрежа. Прогнозите на трговците со струја се дека побарувачката за овој енергенс од 2020 година ќе расте во просек за 2,2%. Тие додаваат дека кога овие прогнози би се оствариле, до 2020 година регионот ќе мора да инвестира најмалку 40 милијарди евра во нови енергетски капацитети. Оттука, во следните 10 години секој жител од регионот треба да издвојува по 47,5 евра годишно за инвестиции во енергетиката. К.П