За 8,1 процент е зголемен бројот на странските туристи во септември

Добивај вести на Viber

Бројот на туристите во септември годинава изнесува 60.428, а на ноќевањата 166.343. Во однос на септември лани во државава имало за 3,1 процент повеќе туристи и за 13,9 проценти повеќе ноќевања, објави денеска Државниот завод за статистика. Бројот на домашните туристи во септември 2012 година, во однос на септември 2011 година е намален за 6,2 проценти, а на странските е зголемен за 8,1 проценти. Кај ноќевањата на домашните туристи има зголемување за 5,9 проценти, а на странските за 19,1 проценти. Во периодот јануари-септември годинава, во однос на истиот период лани статистиката евидентира дека бројот на туристите е зголемен за 2,5 проценти. Притоа кај домашните туристи има намалување за 3,6 проценти, а кај странските зголемување за 9,1 процент. Во тој споредбен период е забележано намалување на ноќевањата за 1,7 проценти, при што кај домашните туристи има намалување за 6,3 проценти, а кај странските зголемување за 8 проценти.