За бизнисмените Министерството за економија работи транспарентно
Објавено во: Економија 22 Март, 2014
Три концесии за каменолом кај село Групчин, општина Желино и државно земјиште од околу 8.000 метри квадратни ,а од мене никој досега не побарал мито. Во периодот од 2006-2008 година кога ДПА беше на власт ние бевме рекетирани од министерот за екологија во тоа време, кога ми беше затворен каменоломот, изјави денеска Шефки Алити потпретседател на Асоцијацијата за рударство при Стопанската комора на Македонија и сопственик на компанијата „Макал компани“.
- Рекетот тие го вршеа преку групата на Агим и на Даим од Кондово, рече Алити, а во врска со изјавите на Орхан Ибраими од ДПА, кој обвини за мито во Министерството за економија.
Исак Шеку, претседател на надзорен одбор на „Кнауф“ од Дебар и член на Асоцијацијата на рудари вели дека во времето на оваа Влада имаат земено две концесии и неколку дозволи за работа и геолошки истражувања.
- Во текот на целиот овој период најкоректно сме соработувале со Министерството за економија, особено со секторот за минерални суровини. Сме имале и голема поддршка и од страна на минситерот и неговиот Кабинет. Досега никој не се осудил да бара нешто од нас или ние да дадеме, изјави Шеку.
Алити и Шеку тврдат дека во Министерството за економија постои комисија за тендери со околу 10 члена, која заседава транспарентно кога се работи за доделување тендери и концесии.