ЗА БОЖИЌ МОЖЕ ДА ИЗОСТАНЕ НАЈВАЖНИОТ УКРАС: На германска компанија залихите и се при крај

Добивај вести на Viber

Германска компанија со седиште во Саксонија, која произведува специјални украси веќе 30 години, забележа намалување на залихите во складиштето откако ЕУ воведе строги санкции.

Производителот на божиќни украси во германската покраина Саксонија би можел да се затвори поради санкциите наметнати на руското дрво, објави во саботата весникот „Билд“.

Таа компанија е специјализирана за швибоген, или традиционални резбани дрвени лакови со божиќни мотиви кои се користат како држачи за свеќи.

Според извештајот, компанијата, која ги произведува овие орнаменти веќе 30 години, забележала намалување на залихите во магацините откако на почетокот на оваа година стапи на сила забраната на ЕУ за руско дрво и производи од дрво, пишува RT.

Сопственичката на компанијата Катја Таулин изјави дека иако нејзината фирма вообичаено прави украси во текот на целата година, сега работата се врши само по посебна нарачка, а поради немањето залиха морала да ги зголеми цените.

- Од летото престанавме да добиваме руска иверица од бреза, чиј пазарен удел пред санкциите беше 93 отсто... Како и сите наши колеги, со месеци се обидуваме да откриеме како да го замениме руското дрво. Но, тоа е бесмислено - вели Таулин, истакнувајќи дека квалитетот на алтернативата на руските суровини е несоодветен.

- Не знам што ќе се случи понатаму. Овие санкции ни штетат нам и на нашата земја – додава сопственикот на компанијата од Саксонија.

Брисел го санкционираше руското дрва на 9 април, со преоден период до јули за компаниите чии договори за увоз беа потпишани пред тој датум. Ограничувањата беа насочени кон дрво и производи од дрво, јаглен, дрвна маса, картон, како и дрвен мебел и делови за мебел.

Сепак, според рускиот регулатор за шуми - Рослесинфорг - земјата би можела да продолжи да продава дрвени производи во ЕУ преку трети земји.