За државјаните на земјите од зелената ковид листа влезот во Грција е олеснет
Објавено во: Балкан, Корона Вирус 17 Јуни, 2021
Јужниот сосед го олесни влезот за државјаните на земјите од зелената ковид листа.
Заменик-министерот за цивилна заштита Никос Хардаљас објави дека за нив ќе биде дозволен влез со брз тест за коронавирус наместо со ПЦР, а за децата под 12 години, нема да се бара тест. За оние од портокаловата и од црвената листа, правилата се непроменети, односно задолжителен е тест за сите со наполнети шест години, јави МИА. За земјите од портокаловата листа, дозволен е влез на лица кои се вакцинирани со вакцините признати од Грција или со направен ПЦР тест 72 часа пред нивното заминување. Исклучени од оваа одредба се граѓаните од земјите кои се наоѓаат на црвената листа и за кои продолжува да важи одредбата за карантин од седум дена.