За какви подобри времиња зборува Груевски?

Добивај вести на Viber

Не се појави во јавноста, но затоа се јави на социјалните мрежи.

Поранешниот претседател на ВМРО ДПМНЕ и екс премиер кој е осуден на две години затвор, им порача на следбениците дека за Македонија доаѓа подобро време.

Груевски вчера не беше во судницата за време на изрекувањето на пресудата со која е осуден поради незаконското влијание на претставниците во министерството за внатрешни работи при купување на луксузен автомобил.

Потоа тој се огласи на својот Фејсбук профил и својата реакција ја сподели со граѓаните.

Тој ги повика Македонците да ја кренат главата и да не забораваат, како што вели, дека ова е земја на сите кои живеат во неа и ничија друга.

ВМРО ДПМНЕ исто така веднаш реагираше со напуштање на парламентот.

Тие не објаснија зошто ја напуштиле седницата, како и дали ќе продолжат да ги бојкотираат следните.

Александар Николовски од ВМРО ДПМНЕ изјави дека против Груевски се спроведува политички прогон и дека сите политички процеси се покренати против оние кои се противници на актуелната власт.

Од партијата посочија дека судството функционира по својни аршини и дека сите постапки биле подложни на ревизија.

И покрај се, јавноста најмногу ја „заинтригира“ тврдењето на Груевски за какви подобри времиња зборува тој . Дали можеби се обидува да испрати некаква скриена порака преку тоа што го напиша на социјалните мрежи, засега останува да видиме.