За капитални инвестиции, АЕК догодина ќе одвои 4 милиони евра

Добивај вести на Viber

Агенцијата за електронски комуникации за следната година проектираше вкупно 11,2 милиони евра приходи, што е за 0,31% помалку од приходите предвидени за годинава, се наведува во годишната програма за работа на АЕК, доставена до Собранието. Најголем дел од средствата, или 9,4 милиони евра, АЕК ќе добие како надоместоци за користење на радиофрекфенции, додека останатите приходи ги добива како надоместоци за надзор на пазарот на електронски комуникации, за користење на доделени броеви и серии на броеви, од камати, судски такси како и од тендери. Во делот на расходите, АЕК планира да штеди на реклами, при што од вкупниот буџет за оваа намена се предвидени 40,6 илјади евра, што е за 37% помалку во однос на годинава. Најмногу пари, или 4 милиони евра ќе се потрошат на капитални инвестиции што е за 15% повеќе од годинава. Вкупно 1,6 милиони евра ќе се потрошат на интелектуални и други услуги во кои спаѓаат обуки за вработените, организирање работилници и јавни состаноци, консултантски услуги и сл, додека за плати на вработените ќе се потрошат 1,8 милиони евра .