За Мицкоски владеењето на СДСМ е црнила, тие вратија дека го брани Груевски
Објавено во: Македонија 06 Декември, 2018
ВМРО-ДПМНЕ синоќа пред Владата протестираше против актуелната власт на СДСМ.
Протестот го предводеше лидерот, Христијан Мицкоски, а тематиката на протестот беше „црнила“, односно црнилата што ги предизвикувало владеењето на сегашната Влада.
На протестот беше осудено поскапувањето на лебот, непреземањето мерки против аерозагадувањето и слично. Мицкоски, владеењето на СДСМ го нарече црнила за државата и ги обвини премиерот Зоран Заев и министерот за внарешни работи, Оливер Спасовски дека вршат притисок и претреси во куќи на луѓе кои сакаат да протестираат против нив. Протестот почна пред партиското седиште, а оттаму по скопските улици приврзаниците на ВМРО-ДПМНЕ маршираа до зградата на владата. Ова им е втор протест, а протести најавија и за идната среда.Од СДСМ со писмено соопштение реагира на говорот на Христијан Мицкоски. Според нив, граѓаните вечерва видоа уште едно бледо и конфузно издание на Христијан Мицкоски, очаен во обидите да го одбрани криминалот на Никола Груевски.