За Николоски партнер на Македонија не е Москва, туку Брисел, Лондон и Вашингтон, од руската амбасада му одговорија
Објавено во: Македонија 28 Март, 2018
Партнер на Македонија не е Москва, туку Брисел, Лондон и Вашингтон, изјави Александар Николоски во интервју за телевизијата АлсатМ. Според него не е во ред што ВМРО-ДПМНЕ не е вклучена во целиот тој процес.
На прашањето што доколку има име кое ќе налага промена, а истото е прифатливо, како би постапиле од ВМРО-ДПМНЕ, Николоски рече дека прво, треба да го видат пакетот.
Во контекст на протерувањето на руски дипломат од Македонија поради случајот со труење на двојниот руски шпион Сергеј Скрипил во Солсбери, Велика Британија, Николоски рече дека партијата не била консултирана од никого.
„Владата одлучи да не ја консултира опозцијата, а тоа е државна политика што значи грешка е што не исклучуваат од консултации за вакво прашање. Но, партнер на Македонија не е Москва, туку Брисел, Лондон и Вашингтон“- вели Николоски.
Забележителен став, напишаа на Твитер од Руската амбасада во Македонија, споделувајќи твит на потпретседателот на ВМРО ДПМНЕ, Николоски.