ЗА ПРВ ПАТ: Оваа земја од Балканот праќа два сателита во вселената

Добивај вести на Viber

Словенија планира за прв пат да испрати два сателити во вселената во првата половина од 2019 година. Трисат и Немо ХД ќе обезбедуваат податоци, во комбинација со податоците од ЕУ Коперникус програмата, кои ќе помогнат во развивање решенија во земјоделството, шумарството и урбанизмот и ќе обезбедуваат непроценливи податоци за природните катастрофи.

Владата на Словенија објави дека сателитите ќе бидат пратени во вселената со помош на Вега ракета лансирана од страна на Аријанспејс, што е компанија која развива програми за Европската вселенска агенција (ЕВА).

Тристат е нано-сателит, кој тежи само 4,4 килограми, кој може да слика фотографии во боја од Земјата. Ќе се користи најмалку две години.

Немо ХД е произведен од Веслје-СИ, словенскиот центар за вселенски науки и технологии. Некои 85 отсто од финансиите за 5 килограмскиот сателит доаѓаат од Европската Унија, а остатокот од буџетот на Словенија. Микро-сателитот ќе орбитира околу Земјата на оддалеченост од 600 километри испраќајки фотографии во боја.

Словенија се надева дека ќе може да ги искористи материјалите добиени од своите стателити во развивање на проекти за нови земјоделски култури и за помош при наводнување и садење. Сликите добиени од сателитите се очекува да помогнат и во случаи на природни катастрофи и непогоди.

Една од клучните цели со лансирањето на двата сателита е да се промовираат словенската вселенска технологија и вселенското инженерство на Словенија, беше изјавено од страна на владата на Словенија.

Во јули 2017 година Бугарија го лансиран својот прв геостационарен комуникациски сателит. Сателитот „BulgariaSat-1“ имаше за цел да овозможи телевизиски и комуникациски услуги во Европа и Северна Африка, го лансираше американската воздухопловна компанија „SpaceX“ од вселенскиот центар на НАСА „Kennedy“ кој се наоѓа во Флорида.