За РТС Заев веќе има мнозинство?
Објавено во: Македонија 10 Октомври, 2018
Радио телевизија Србија (РТС) денеска објави дека пред почетокот на денешната расправа во уставната комисија во македонското Собрание, 11 пратеници на ВМРО-ДПМНЕ се согласиле да ги поддржат уставните измени и така да обезбедат двотретинско мнозинство.
Во прилог под наслов „Македонија, пратениците на ВМРО-ДПМНЕ под притисок“, оваа информација беше кажана.
Повикувајќи се на информации на телевизијата „Алсат-М“, РТС потенцираше дека владата на Зоран Заев успеала да обезбеди двотретинска поддршка за уставните измени и да избегне вонредни избори.
Сепак, јавниот радиодифузен сервис на Србија ги пренесе и тврдењата на високите функционери на ВМРО-ДПМНЕ дека тие шпекулации се неточни и дека е „малку веројатно некој од пратениците да гласа спротивно на волјата на граѓаните на Македонија искажана на референдумот“.
На комисија денеска пратениците имаа различни мислења. За некои идентитетот е заштитен, а за други Договорот од Преспа е штетен.
фото РТС