За ВМРО-ДПМНЕ случајот со Сеад Кочан е замолчување на медиум, СДСМ бара одговорност
Објавено во: Македонија 16 Март, 2017
ВМРО-ДПМНЕ со внимание и одблиску ги следи тенденциите на партискиот огранок на СДСМ наречен СЈО, како и на Зоран Заев и неговите сценаристи, но и на и судиите кои се под влијание или под притисок на СДСМ во случајот со обидот за незаконско одредување притвор на сопственикот на ТВ НОВА, Сеад Кочан, стои во соопштението на ВМРО-ДПМНЕ.
„Оваа постапка има три јасни цели: прво притисок и по можност згаснување на ТВ НОВА, второ, испраќање порака и заплашување до сите медиуми кои не мислат како аболицираниот криминалец Зоран Заев и неговите сценаристи, дека ако не ја сменат уредувачката политика по желба на Заев, СЈО и нивните сценаристи дека ќе се соочат со политички прогон, притвори и други чекори кои не се засновани на закон и владеење на правото, откако претходно ќе биде извршено влијание врз судиите и трета цел заплашување на припадниците на етничките заедници кои не се согласуваат со политиките на Зоран Заев и со прифаќањето на Тиранската Платформа која значи губење на мултиетничкиот карактер на државата и градење на бинационална држава“ - велат од ВМРО-ДПМНЕ.
ВМРО-ДПМНЕ ги предупредува судиите, независно дали се под притисок на СДСМ, или пак од било која причина сакаат да го задоволат Зоран Заев и неговиот сценарист, дека треба да работат согласно законот и Уставот и дека не смеат да се претворат во политичка алатка на СДСМ и СЈО. Секое незаконско работење ќе подлежи на одговорност, и секој во оваа држава треба да е еднаков пред законите, вклучително и судиите.
Евентуалното подлегнување на притисок или влијание врз судот во случајот со сопственикот на овој медиум нема да остане без реакција на ВМРО-ДПМНЕ.
Паднаа маските на Никола Груевски и на ВМРО-ДПМНЕ, реагираат од СДСМ.
„Соопштението во коешто ВМРО-ДПМНЕ го штити медиумскиот и бизнис партнер на Груевски, Сеад Кочан, потврдува дека се што прави оваа партија има единствена цел, заштита на нивните криминали и лично стекнатите богатства. Секој кој работел противзаконски мора да понесе одговорност“ - додаваат од СДСМ.
Раководство на ВМРО-ДПМНЕ мора веднаш да престане со злоупотребата на луѓе за протести, дури и на деца, ученици, да престанат да провоцираат инциденти, конфликти и насилство и да овозможи мирен трансфер на власта, наведуваат од партијата.
Можеби ќе ве интересира
УПОТРЕБИЛА ТЕРМИН „СЕВЕРНОМАКЕДОНЦИ“: МАЕИ бара јавно извинување oд албанската амбасадорка во Софија
ПОКРОВИТЕЛ Е РАДЕВ: Со бугарски и македонски уметници во Софија ќе бидат одбележани 153 години од раѓањето на Гоце Делчев
Стоилковиќ објави фотографии: Министерско БМВ од 60.000 евра „размонтирано“ на сервис
ГОРЕЛЕ ГУМИ, ИВЕРКИ, ОТПАДНИ ДАСКИ: „Паднаа“ казни и опомени
РАЗОЧАРУВАЊЕ ВО МАКЕДОНСКИОТ НЕВЛАДИН СЕКТОР: Амбасадата на САД ги запре сите проекти во земјава, нема пари ни за почнатите
ВЕНКО ФИЛИПЧЕ ПОКАЖА ДОКУМЕНТИ: Вистината за Клиниката за Онкологија излезе на виделина
ШЕСТЕ БИОЛОШКИ ЛЕКОВИ ЌЕ БИДАТ ДОСТАПНИ ОВАА НЕДЕЛА: „Уште еднаш да повторам - лекови има“
ЈАВНОСТА ЌЕ ДОЗНАЕ ШТО ПРАВЕЛ ПАЛЧО, ИАКО НЕГИРА: Се огласи обвинителката Крстевска
КОЈА Е ДАНИЕЛА КОЛЕВА, НОВА ПРЕТСЕДАТЕЛКА НА ФОРУМОТ НА ЖЕНИ НА СДСМ - еве кој сѐ ќе членува во таа партиска организација
